es | eu | fr | en

948 Merkatua Proiektuak

948 Merkatua, Nafarroako arteen merkatua eta kulturaren profesionalen topagunea da, eta diziplinarteko profesional-talde anitza hartuko du hiru egunez Iruñean.

948 Merkatuaren hirugarren edizioa diziplinarteko sorkuntza eta edukien aldeko apustua da, ulertzen baita kultura-sorkuntza garaikidean, diziplinarteko elkarrizketaren bitartez, sormen- eta kultura-berrikuntza interesgarrienak sortzen direla.

948 Merkatuaren esparruan, diziplinarteko izaera duten proiektu kulturalak aukeratzeko deialdia luzatu nahi dugu. Formatu horren bitartez, ikusgaitasuna, babesa eta laguntza eskaini nahi dizkiegu sendotze aurreko fasean dauden argi eta garbiko diziplinarteko proiektuei. Gehienez 20 proiektu aukeratuko dira. Horietako bakoitzak 948 Merkatuarako bi pertsonarentzako izen-ematea jaso du, eta, horrez gain, horien berri emango da komunikazio-euskarrien bidez. Aukeratutakoen artetik, gehienez 10 proiektu hautatuko dira. Azaroaren 22an jakinaraziko dira zein diren jendaurrean, Baluarten, 948  PROren barruan. Deialdi honetan xedatutako diru-laguntzak jasoko dituzte

Gehienez 20 proiektu aukeratuko dira. Horietako bakoitzak 948 Merkatuarako bi pertsonarentzako izen-ematea jaso du

Aukeratutakoen artetik, gehienez 10 proiektu hautatuko dira

Zertan datza?

Aholkularitza. Aukeratutako 20 proiektuei elkarrizketa labur bat egingo diete antolakuntzak izendatutako kultura-kudeaketaren arloko hainbat profesionalek. Proiektuak martxan jartzeari buruzko kontuez galdetu ahalko diete, informazioa, iritziak, iradokizunak edo kontaktuak lortze aldera.

Aurkezpen publikoa. Aukeratutako hogeien artetik, gehienez 10 proiektu hautatuko dira; berritzaileenak eta potentzial handiena dutenak izango dira. Gero, horien aurkezpen publikoa egingo da 948 PROn, eta 948 Merkatuan izena emandako profesional guztiak joan ahalko dira ekitaldira.  Aurkezpena azaroaren 22an, ostirala, egingo da Baluarteko Cámara aretoan.  Aurkezpen bakoitzak 10 minutu iraungo du:  5 minutu aurkezteko eta 5 minutu ikusleekin aritzeko.  Aurkezpenak 10 irudiren proiekzioan oinarrituko dira.

Aukeratutakoen artetik, gehienez 10 proiektu hautatuko dira

Laguntza ekonomikoa. Profesional-taldeak aurkezpen publikorako hautatutako 10 proiektuen artean 1.500€-ko diru-laguntzen 3 irabazleak aukeratuko ditu; kategoria hauetan banatuko dira:

  • Kultura eta jasangarritasun ekonomikoa. Ekonomia- eta enplegu-bideragarritasun onena izateagatik gailentzen den diziplinarteko proiektuari.
  • Kultura eta gizartea. Gizarte-balioak garatzeko gehien ekartzen duen diziplinarteko proiektuari.
  • Kultura eta berrikuntza. Berrikuntza-planteamendu onena duen diziplinarteko proiektuari.

Emandako zenbatekoak legez dagozkion atxikipenei lotuak egongo dira.

Networking. Hautatutako 20 parte-hartzaileek 948 Merkatuarako bi pertsonarentzako sarrerak dohainik eskuratuko dituzte; horrela, jarduera guztietan parte hartu ahalko dute, eta bertaratutako profesionalekin egingo den networking-ari onura atera.

Baldintzak

  • Parte-hartzaileek 948 Merkatuaren webgunean dagoen formularioaren bitartez izena eman beharko dute, uztailaren 31 bukatu baino lehen. Formulario horretan, parte-hartzailearen datuez gain, PDF formatuko dokumentu bat ere aurkeztu behar da, non proiektua, helburuak eta bideragarritasun-plana azalduko baitira.
  • Lanbide-jarduera frogatu dezaketen pertsona fisiko nahiz juridiko orok parte hartu dezake.
  • Izen-emateak eta aurkezpenak gaztelaniaz zein euskaraz egin ahalko dira. Proiektuen izaeraren arabera, aurkezpenen bat frantsesez edo ingelesez egiteko aukera baloratuko da.
  • Hautatutakoek hartuko dituzte beren gain Iruñera 948 Merkatuara etortzeko gastuak.

Proposamenen hautaketa

Antolakuntzak, baldintzekin bat datozela ziurtatu ondoren, argi eta garbiko diziplinartekoenak, berritzaileenak, bideragarrienak eta interes handienekoak aukeratuko ditu jasotako eskaeren artetik.  Horretarako, proiektu guztiak banaka baloratuko dituen aditu-talde bat bilduko da.

Antolakuntzakoak harremanetan jarri ahalko dira aurrez aukeratutako proiektuen ordezkariekin, azken hautaketaren aurretik balizko zalantzak argitzeko eta informazioa osatzeko helburuarekin

Hala, antolakuntzak aditu baten laguntza eskainiko die 10 aurkezleei, 948 PROn egingo duten aurkezpen publikoaren edukia eta forma optimizatzeko.

Eskaeren ebazpena

Antolakuntzak 2019ko irailaren 30a baino lehen jakinaraziko die eskatzaileei aukeratuak izan diren ala ez.

Aurkezpen publikoari buruzko informazioa

948 Merkatua PROn publikoki aurkezteko hautatutako 10 proiektuek (diru-laguntzak jasotzeko aukera dute) 2019ko azaroaren 1a baino lehen bidali beharko diote aurkezpena antolakuntzari, laguntza-materialak barne.

Hedapena

  • Aukeratutako 20 proiektuak 948 Merkatuako programan agertuko dira, eta aukeratuak izan diren unetik bertatik hedatuko dira, bai euskarri digitalen bidez, bai materialen bidez.
  • Aurkezpen publikorako hautatutako 10 proiektuek, gainera, aukeratutako gainontzeko proiektuek baino ikusgaitasun handiagoa izango dute.

Diru-laguntza

Aurkezpen publikorako aukeratutako 10 proiektuen artean, kultura-kudeaketaren hainbat profesionalek osatutako epaimahai batek proiektuak martxan jartzeko deialdi honetan eskainitako 1.500€-ko diru-laguntzen hiru irabazleak aukeratu eta horien berri emango du, 2019ko azaroaren 22an bertan, ostirala, Baluarten (Iruña). Jasotako informaziotik zein aurkezpen publikoan emandakotik epaimahaiak hau hartuko du kontuan, oro har: diziplinartekoak izatea, edukien kalitatea eta bideragarritasun-maila, eta, kategoria bakoitzerako modu espezifikoan, inpaktu ekonomikoa, inpaktu soziala eta berrikuntza-maila.

Emandako zenbatekoak legez dagozkion atxikipenei lotuak egongo dira, eta 3 proiektu irabazleen pertsona edo entitate arduradun bakoitzaren kontuan sartuko dira.

Newsletter

Harpidetu gure newsletter-era 948 Merkatua-ren berrikuntza guztien berri jasotzeko.

Antolatzen dute

Nafarroako Gobernua