Arte proiektuen aurkezpena

[ Bole Bole Toronbole ]

Damiano Toronbole magoa eta Tonino Toronbole txotxongilolaria Italiarantz itzultzen dira eta ikuskizun berria prestatzen ari dira, baina familia ez dago beterik. Giuseppina desagertu zen eta orain aurkitu behar dute. 

[ Manifestu bat ]

Harremanak arrotzak diren herri txiki batean, gure pertsonaiak Egok, bizitza eta pentsamenduak idatzi ditu. Bere inguruaz eta harremanez hitz egiten du, galdutako baloreak eta beharrezkoak ikusten dituen premiazko aldaketak azaltzen ditu ere. Manifestu bat, alegia.

[ Partir / Utzi ]

Joatea, alde egitea Une hori, eta gero datorrena, esploratu nahi dugu. Nola aldaraziko gaitu bidaiak? Adieraztea, musika, dantza eta hitzaren bidez, alde egin behar duenaren
sentimendu eta emozioak; alde egiteko erabakiari buruzko lekukotasun bat ekartzea, errotzearen eta alde egiteko beharraren arteko barne-borroka. Egokitzea eta nork bera izaten jarraitzea, nork berrasmatzea, nork inprobisatzea. Sortze-fasean dago proiektua, aquitaine.eus programak sustatuta. 

[ SUENA.ORG - Directorio de Grupos y Músicos de Navarra ]

SUENA.ORG web proiektuaren helburua da Nafarroan azken sei hamarkadatan sortutako herri musikako (pop, rock, heavy, country, hip-hop…) musika ekimen guztiak katalogatzea.

[ Rolan & Loop abestiak ]

Rolan & Loop abestiak 2017. urtearen amaieran grabatu zen Color Hits, Buenas Compañías Estudios eta Ag8st8 Estudios diskoetxeetan. Rolan Garcésen lehenengo bakarkako lana da, eta folka, countrya edo bluesa lantzen ditu.

Gran Ciel-en planteamendu musikalak, errealitatean ardazten bada ere, musika zerbait kaltegabea bilakatzen duten leundutako kontzeptuei uko egiten die. VJ Drone-k, aldiz, liluragarritasun musikala eragin eta interpretaziora gonbidatzen zaituen ikus-entzunezko errealitate bat sortzen du.

Mediterraneo itsasoaren ertzean, bereber tradizioaren, gnawa oinordetzaren eta jazz ukituen artean, Gabacho Marocek ustiapen mestizo zoriontsua lantzen du. Genero nahasketa paregabea da, goraipatzeko moduko soinu panorama sortzen duena.

[ EGO ]

[ Izzz...adi! ]

Familiako txikienei zuzenduriko joko dantzatu eta musikal bat. Adi begiratuz gero... naturaren usaina topatuko duzu bertan; baita soinu dizdiratsu, apal eta erakargarriz beteriko paisaia mugikorrak eta... beste hainbat sentsazio eta bizipenak. Bidaia hastera doa eta! 

[ Antzerki garaikidea, zeinean ikusizkoak garrantzi handia baitu, Konpromisotik beti ere. ]

“El hermano de Sancho” familientzako eta eskola-kanpainetarako komedia bat da. “Coordendas”, memoria historikoari buruzko drama bat ikusle guztientzat, Arriaga antzokiarekin batera ekoiztua, 2019an berrabiatuko da, hots, gerra zibilaren amaieraren 80. urteurrenean.

[ Itsas Laminak ]

Malandain Ballet Biarritz, Donostiako Cristina Enea Fundazioa eta Iruñeko Ingurumen Hezkuntzako Saila elkartu egin dira Sirènes lan koreografikotik abiatuta artea eta ingurumena uztartuko dituen programa pedagogiko bat martxan jartzeko 2018-19 ikasturtean.

[ Txarriboda ]

Mireia eta Imanol bikote perfektua dira. Gaur da haien ezkontza eguna eta zorionez gainezka daude. Ezkontza otordua emaztegaiaren aitaren kargu izango da El bodorrio lana iragazkirik gabeko kontakizun basatia da, zeinetan itxurakeriak eta jakintzak araua haustea ekarriko duten.

Hondarribia, Baiona eta Iruña artean koproduzitutako ikuskizuna da, CREACITYren esparruan. Azken hori mugaz gaindiko proiektu bat da, hiru hiriak harresien eta barruti gogortuen inguruan batzen dituena. OREKA TX taldeak sortu eta TXALAPARTek ekoitzi du PIKOTAILUKE, eta musika eta 35 ditu.

«Tradizio garaikide» delakoak Illicite Bayonne (dantza neoklasikoko konpainia) eta Bilaka (neodantzako euskal konpainia) konpainien proiektu artistikoak definitzen ditu. Oldeak Baionako Hiriak eta Euskal Hirigune Elkargoak sustatutako koreografia-plataformako kide dira biak.

[ Prevención de la violencia en las aulas - El teatro la herramienta. ]

Proiektu horrek antzerkiaren tresna erabiltzen du indarkeriazko erantzunen prebentzioan kontzientziatzeko. Horretarako, bi ikuskizun baliatzen ditu ikastetxeetan (lehen hezkuntzan eta bigarren hezkuntzan), baita gida didaktikoak eta psikologo adituen aholkularitza ere.

[ "El carnaval de los animales" kontzertu didaktikoa ]

3 urtetik aurrerako haurrentzako ikuskizuna da. Pianoko bikote baten eskutik lau eskura jotako musika klasikoko zuzeneko kontzertu bat eskaintzearen (Animalien inauteria) eta aldi berean irudi animatuak pantaila erraldoi batean ematearen esperientzia uztartzen ditu.

[ El conquistador de la Magicomedia ]

Magia komikoko ikuskizun horrek Mago Tután telebista programa askotatik igaro izana oroitzen du.

[ Bardenas Reales, en busca de la luz ]

Ibilbide bisual honek egun baten igarotzea simulatzen du, eta, aldi berean, urtebeteren igarotzea erakusten du, nahiz eta, egiari zor, argazkilaritza laneko bi hamarkaden laburpena izan. Irudiek uneari eta argiari ematen diote protagonismoa, ingurune paregabe eta berezi baten magia helarazteko asmoz.

[ Voces de cine ]

Proposamen honek klasikoa jazzarekin batzen du. Horretarako, pantaila handian ezagunak egin ziren XX. mendeko abesti ederrenetako batzuk baliatzen ditu, hala nola Ozeko aztia, Ardo eta arrosa egunak edo Urrutiko takoiak. Ainhoa Zubillaga mezzosopranoaren ahotsa, Iñaki Salvadorren pianoa eta Mikel Anduezaren saxoa.

[ Erlauntza / El enjambre ]

Malkoak eta irriak baimenik gabe nahasten diren komedia mikatza.
Txikitako lagun koadrila bat asteburu pasa joango da landetxe batera beraietako baten ezkon aurreko agurra ospatzera. Urteak ordea ez dira alferrik pasatzen.

[ Ghero: Azken Euskalduna ]

3000 urtea. Euskara desagertzeko zorian dago. Azken euskaldunak izkin egin nahi dio halabeharrari. Benetako misterioa ez da gure hizkuntzaren jatorria, ezbada bere biziraupen harrigarria. 3000 urtean euskara egongo al da? Ghero, kondairen kondaira bat, euskararen biziraupen harrigarriari buruz.

[ Perrunízate ]

Totóri izugarri gustatzen zaizkio animaliak; haiek aztertzea, ikertzea. Baina bere helburua amak geldiaraziko dio, ez baitio zakur bat izaten uzten. Lagun egiozu Totóri zure zentzumen guztiak piztuko dituen istorio hunkigarri honetan eta ausart zaitez harekin batera zakurtzen.

[ Artha - Babes Toki ]

Pantxika Telleria koreografoak bere dantza familia paisaiaren begiradan hondoratzen du. Elirale dantza garaikideko konpainiaren azken sorkuntzaren eta horrekin lotutako Babes Toki Euroeskualdeko proiektuaren aurkezpena.

[ Natura ]

Mugimenduaren jatorriari buruzko ikerlana. Entsegu eta akatsen laborategia, zeinetan interpreteak ez zekien gertatuko zenari buruzko ezer. Ikerketaren ardatza bideo, audio eta elkarrizketen bitartez erreakzio desberdinak eragitea izan zen.

[ Creer ]

Creer ikerketa koreografikoko proiektu bat da, eta gorputzaren erabilera aztertzen du erlijio nagusietan, 2019an dantza ikuskizun bat egite aldera.

[ Loco Desatino ]

LOCO DESATINO da Producciones Maestras konpainiaren gazte eta helduentzako ekoizpen berria. Ana Caro Mallénen Valor, agravio y mujer  obran inspiratutako komedia da. XVII. mendeko espainiar dramagile hori ahaztua izan da, beste hainbaten moduan.

[ Laurentzi Producciones-en estreinaldia da banatzaile gisa. ]

Ia sei urte produktore gisa aritu ondoren –hiru ikuskizun abian jarri ditu tarte horretan–, Laurentzi Producciones-ek bere ekoizpenak eta beste konpainia batzuenak banatzeari ekin dio. Arte-diziplina askotarikoak hartzen ditu bere katalogoak, bai helduentzat, bai haurrentzat.

[ En Busca del Fuego ]

Itzalen antzerkiaren antzinako teknikak eta denbora errealeko ikus-entzunezko kudeaketako softwareak, txotxongilo fisikoak eta digitalak eta zuzeneko ikus-entzunezko interpreteak batzen ditu: DIGITAL SHADOWS PUPPETS. FETEN 2018 saria.

[ SK Efímeros ]

Diziplina askotako ekintza artistikoa. Eskultoreek, musikariek, dantza garaikideek, aireko dantzek eta beste batzuek parte hartzen dute, agertokiaren eta proposamenaren arabera. Horrekin batera, bideoak eskainiko dira eta ikus-entzuleekin elkar eragingo da.

[ PLUSD'ACC: Mejora de la accesibilidad al patrimonio cultural de la Eurorregión Nueva Aquitania-Euskadi-Navarra ]

Euroeskualdean garatzeko proiektu honek gizarte erakundeen eta administrazio publikoen arteko truke profesionala du xede ondare artistikoaren irisgarritasunaren, kulturaren, eta, beraz, elementu horien bitartez sortzen den turismoaren arloan.

[ Pamplona Jazz / Iruña Jazz ]

Proiektu hau Iruñan jazza zabaltzeko eta bultzatzeko premiatik eta gazteek jazzeko profesionalen laguntzarekin ikasteko helburutik sortu zen. Honako hauek osatzen dute elkartea: Pamplona Jazz Orquesta, Pamplona Jazz Big Band eta Pamplona Jazz Brass Band.